Ambar pe mere ek hi taara
Woh ek taara ho tum.
Na koi Khuda mera tere siva
Mera jag saara ho tum.
Maine tumhein jahaan rakha
Koi nahin hai wahaan
Papa, meri jaan, har-dum rakhna
Ab haath yeh sar par tum.
Papa, meri jaan, mere sang chalna
Har meel ka patthar tum
Tumhin pe toh theherte hain
Yeh raaste mere liye.
Dhadkan-dhadkan tum seene mein
Har waqt dhadakte ho
Jaaun kahin bhi main, tum ho ya na ho
Par saath hi rehte ho
Tum hote ho in aankhon mein
In aankhon mein har jagah
Papa, meri jaan, har-dum rakhna
Ab haath yeh sar par tum.
Papa, meri jaan, mere sang chalna
Har meel ka patthar tum
Tumhin pe toh theherte hain
Yeh raaste mere liye
Na isse badi meri koi khushi
Mujhe dekho jo hans kar tum
Tumko kuch bhi hone na doonga
Yeh likh lo dil par tum
Hatheli ki lakeeron ko
Main mod doon tere liye
Papa, meri jaan, har-dum rakhna
Ab haath yeh sar par tum
Papa, meri jaan, mere sang chalna
Har meel ka patthar tum
Tumhin pe toh theherte hain
Yeh raaste mere liye
Dariya-dariya, sehra-sehra
Sooraj sa bhatakte ho
Dil hi dil mein ek aag liye
Kyun aise dehekte ho?
Ruko zara, thamo zara
Main bhi jaloon tere liye.
Post a Comment